Competição Setor Telecomunicação hahu husi 2012 to ohin loron
Iha biban ida nee, hakerek nain ba artigu ida nee, atu refleta fila fali hanoin sira ikus lui ba iha setor ida nebe importante tebes ba nasaun Timor - Leste mak Setor Telecomunicação, hodi nune, ita nia estado no Governo hanoin no tau iha pratika hodi loke tan kompetisaun iha setor ida nee hodi hamosu Telkomcel e Telemor, nebe ho esperansa katak bele iha mudança nebe significatifu ba iha prestasaun servisus sira hanesan, serviços ba moveis, servisus ba internet e servisus ba sms e servisus seluk nebe liha ba iha setor Telecomunicação nian. Hanesan ita hotu espera katak depois de operadores rua nee mosu, sei iha mosu balanço significatifu ba tarifa preço ba servisus sira nee ho preso nebe ema hotu bele sinte seguro ekonomikamente e aumento acesso ba iha comunidade e sociedade tomak.
Husi Operadores Tolu nee, halo ona investimento boot teb-tebes hodi bele halo kobertura rede haleu Timor laran tomak, hanesan ita bele hare torres sira nebe monta e moos fio fibra optica nebe haleu timor laran tomak.
Hakerek nain iha artigu ida nee hakarak refere lui ba iha portal operadores nain tolu nee, depois de halo pesquisa ba iha portal sira nee, nota katak sei iha funsaun lubuk ida nebe lolos nee operadores sira tengki kumpri atu hamosu iha portal nia laran, hanesan menu ba publikasaun nebe ba relatorio anual companhia nian, financial statement, cash flow e investment para bele iha transparência ba controlo husi Autoridade Nacional de Comunicação e moos Sociedade. Atu portal sira nee moos sai meios transparante ba iha clientes no consumidores atu bele hetan informasaun nebe lolos no kredible hodi hadook husi duvidas promosaun ka merketing nebe lalos. Hamosu funsaun ba sondagem ba clientes e consumidores sira iha portal kona ba servisus nebe sira fornese.
Depois de estabelese Autoridade Nacional de Comunicação iha ano 2012 tuir mandato decreto lei, ANC rasiik moos seidauk hatudu maximu atu kontrola operadores sira nee e ba operadores sira nee atu melhore sira nia servisu tuir Licença nebe fo ba sira e kumprimisso nebe operadores sira hato, iha portal ANC deit moos seidauk iha padraun ida ke adekuado hanesan portal professional ka institusaun ida nebe regula setor telecomunicação, la iha funsaun ida ba publikasaun atu bele publika Relatorio anual ou dokumentos seluk nebe relacionado ho setor telecomunicasaun. Sera ke operadores sira nee iha licença bele fo moos licença servisus data ba sira hanesan harii Data Center hodi fornese servisu ba clientes sira e moos consumidores sira, se kuando Data Center nee harii ba funcionalidades operadores sira nian entaun ida nee sei la iha kestaun ida. Seidauk iha check and balance ida ke diak ba operadores sira nee atu bele regula didiak katak kompanhia sira nee tengki kumpri ba estado atu selu taxa nebe defini iha decreto lei.
Sugestaun ba operadores sira atu melhora nafatin sira nia prestasaun servisu no komprimisso nebe sira assumi ona atu bele lori desenvolvimento nebe sustantavel iha setor telecomunicação.