LIBERALIZAÇÃO SECTOR TELECOMUNICAÇÃO:

HA TEMPO BADAK GOVERNO SEI HALO TENDERIZAÇÃO BA CONCORENCIA TELECOMUNICAÇÃO TUIR DECRETO LEI NEBE FOIN MAKA APROVA.
Ho orgulho tomak no esforsu tomak ba Governo nebe estebelece ona acordo no Decreto Lei nebe ha força tan Liberalização nebe sei promulga moos husi Presidente Republica. E Hein katak processu tenderização nee involve maximo ARCOM para bele apresenta didiak tuir Lei padrao International nebe estabelece iha ITU, International Telecomunicação Unit www.itu.int, Tamba Timor Leste moos adere ba iha organização international ida nebe hamahon iha Nações Uniddas. Processo tenderização ba Telecomunicação nebe sei realiza nee hein katak laos atu entrega deit ba iha Agencia Desenvolvimento Nacional maka prepara processo tomak e iha duni transparencia ba publico no entidades nebe precisa moos atu hatene lalaok processu nee, involvimento aktifu Parlamento Nacional Comissão G, atu bele moos acompanha no fiscaliza sector Telecomunicação, tamba assunto ida nee moos considera assunto Nacional.

Keta halo processu tenderização ne´e sai deit hanesan formalitas tamba iha ona declaração balun katak DICEL no Telecomsel maka sei halao operador iha Timor - Leste, atu halo tan tenderização ba saida nian?

ARCOM rasiik seidauk prepara didiak kriteria nebe difinitivu atu bele halo processo ba pedidu regista ba operador Telecomunicação tuir kriteria nebe tuir padrão Internacional, Agora dadaun atu foti deit informação no dadus nebe konkreto ba Lei no kriteria nebe estabelecido iha parte Telecomunicação nian moos susar tebes, tamba ARCOM nia web lalao ww.arcom.tl Funsaun ARCOM nian hanesan mate total la funciona. Hanusa maka atu controla Telecom seluk tan nebe sei tama mai, Timor Telecom deit moos controla labele ona.

Atu ha força sector Telecomunicação, laos deit atu liberaliza, maibe tengki moos halao tuir Lei no gestaun de controlo ou audit telecomunicação nebe tuir padrão International nian atu bele halao balanço ba iha sector Telecomunicação iha Timor - Leste, Tengki iha tranparancia ba iha publicação informação lalaok Telecomunicação nian ba publico, hanesan relatório anual. Se stakeholder ho Governo kariik Orsamento hira maka hetan kontribuição husi parte Governo, Governo Investe hira ba iha Sector Telecomunicação ne´e e taxa hira maka sei entrega cada ano ba iha estado.

Ita hatu hakarak iha desenvolvimento sustantavel ba iha Sector Telecomunicação hodi desenvolve lalais sector economia no industria nebe precisa tebes apoio husi sector telecomunicação. Maibe Governo moos tengki konsisten ba iha plano no proposta nebe hetan aprovado ona atu bele halao tuir. Parte edukativu ba sector Telecomunicação moos tengkia lao ho diak laos deit halo promosaun no suporta sector nebe so ba iha interese deit.

Abilio Bernardo Caldas

REFORMA TELECOMUNICACAO IHA TIMOR LESTE:

GOVERNO - TT ASINA AKORDO LIBERALIZAÇÃO:

DIGICEL - TELECOMSEL BELE KOMPETE

 

 INTRODUSAUN:

Governo Lui husi encontro konselho Ministro extraordinaria, Segunda - feira dia 26 de Março de 2012 aprova dekreto lei ida hodi decidi, Tersa ohin, asina akordu entre governo ho kompanhia Timor Telecom kona ba liberalização Telecomunicação nebe bele fo ona oportunidade ba kompanhia Telecomunikasaun Digicel ho Telecomsel compete iha Timor - Leste.

Los duni Governo halo acordo foun ho Timor Telecom atu recompensa acordo nebe halo ho TT durante 15 anos, klaru ke iha konkordansia ruma ho Timor Telecom hodi fo oportunidade ba companhia seluk mai investe moos iha area Telecomunicação.

Governo rasik seidauk, halo kompleto proposta de lei nebe prepara husi Ministerio Infraestrutura nebe pendente hela hodi mai lori mai Parlamento hodi halo discusaun, programa hetan tia ona aprovasaun ho hamosu resulasaun ba reforma Telecomunicação, sei pendente hela. Hahu hamosu tan decreto lei ba acordo liberalização, sei lei la forte e institusaun autonomia AUTORIDADE NACIONAL DAS COMUNICACOES (ANC) la funciona ho diak hanusa maka competisaun Telecom sira nee bele compete ho diak e transparencia ba investimento iha sector Telecomunicação nebe sustantavel. Lei barak maka aprova tia ona iha tempo ba ARCOM nian e muda ba AUTORIDADE NACIONAL DE COMUNICACOES (ANC), institusaun ida nee hanesan deit naran estrutura nebe foin dadaun monta foun tia ona moos la funciona nafatin, la iha socialização, nem seminario nem encontro ida halao, la pro aktivu, Husik fali Primeiro Ministro maka tun sae hodi ba lobby Telecomunicação sira. Hanusa maka AUTORIDADE NACIONAL DE COMUNICACOES (ANC) bele controla se ita nia gestão no recurso nebe limitado atu controla Telecom nain Tolu nee, hahu husi parte infra-estrutura to iha nia sistema distribuisaun frequencia. Hanusa ho distribuisaun linha telefone fixo sira nee. linha movel, acesso internet via linha circuito, via fibra optica e via 3G. Se Telecom tolu nee ida idak monta nia infra-esturtura cidade Dili nee no rai Timor nee sei nakonu ho equipamentos Telecomunicação nebe la controlado sei estraga imagens cidade no capital. E hare moos Telecomunicação nebe implementa equipamento nebe apar ho enviromento ou green technologies. Assunto Telecomunicação nee assunto Nacional nia interessa nee duni diak lui rona moos sociade no entidades seluk atu bele fo força ba Governo lui lui AUTORIDADE NACIONAL DE COMUNICACOES (ANC) hodi Controla no implementa liberalização Telecomunicação nee ho sucesso.

DECRETOR LEI:
2003-09-03, Decree-Law N.° 12/2003
Establishing the Communications Regulatory Authority and Approving the Statutes thereof.

2003-08-27
Establishing the Bases for the Telecommunications Sector
Decree-Law N.° 11/2003, bele hetan iha jornal republica www.jornal.gov.tl

Lei ba proteção consumidores moos seidauk difini didiak iha sector Telecomunicação, atu bele protege direito no deveres comsumidores, tamba sira nia clientes boot maka komunidade Timor laran tomak, laos deit Governo. Iha ona Lei basico nebe publica tia ona iha leten nee.

On March 27, 2012 the Minister of Infrastructure Pedro Lay and Timor Telecom signs the Transaction Agreement between the State and Timor Telecom (which ends with the concession of the telecommunications sector to Timor Telecom) in the meeting room of the Council of Ministers, at 8:30 a.m.

ARCOM www.arcom.tl link la funciona bele ba iha http://www.telecomsliberalisation.tl.

Timor Telecom moos Lobby hela ba Governo ba assunto dada linha Fibra optica submarine, lui husi tasi, nebe indonesia liga ba autralia. Timor Telecom investe fibra optica ba ligação iha parte Dili laran. Governo investe dada linha Fibra Optica ba entre ministerial no institusaun balun kuase 10 km. Hanusa ho Plano fibra optic areal nebe atu haleu Timor Laran Tomak, investimento nee sei mai husi Governo ka husi investimento companhia Telecom sira nebe sei investe tan iha Timor - Leste.

Primeira edisaun, sei tuir tan edisaun balun nebe precisa atu publica tan iha media.

Abilio Bernardo Caldas